 |
| 我的病人早餐 |
對通粉無好感；特別係有雜豆嗰隻。其實最初我同通粉係好好感情，但自從成長後，食極都食唔翻細個嗰時，媽咪帶我去茶餐廳食嗰種高湯火腿通粉味，我就索性移情別戀。戀過的有和味沙爹牛肉出前一丁、五香肉丁銀絲米粉，或者係戇戇居居鮑魚絲暨金華火腿絲蝦子麵。另一個與通粉交惡的原因，係因為每次孩子生病時，老馮係食A餐：火腿通粉、B餐：瑤柱白粥、C餐：無味麥皮；所以食通粉，有種唔老黎兼局食的感覺。
今日車了小朋友上學，突然好想食通粉病人餐，仲係有雜豆嗰隻。仲要隆而重之，為了通粉做了鹽焗雞槌，加翻杯加大碼熱朱古力；你話係唔係好邪呢﹗更邪就係，除了生病外，從來不會午睡及補眠的我，今日竟然好想眠一眠喎﹗我估我係有病囉﹗
