 |
| 我的病人早餐 |
對通粉無好感；特別係有雜豆嗰隻。其實最初我同通粉係好好感情，但自從成長後，食極都食唔翻細個嗰時，媽咪帶我去茶餐廳食嗰種高湯火腿通粉味，我就索性移情別戀。戀過的有和味沙爹牛肉出前一丁、五香肉丁銀絲米粉，或者係戇戇居居鮑魚絲暨金華火腿絲蝦子麵。另一個與通粉交惡的原因，係因為每次孩子生病時，老馮係食A餐：火腿通粉、B餐：瑤柱白粥、C餐：無味麥皮；所以食通粉，有種唔老黎兼局食的感覺。
今日車了小朋友上學，突然好想食通粉病人餐，仲係有雜豆嗰隻。仲要隆而重之，為了通粉做了鹽焗雞槌，加翻杯加大碼熱朱古力；你話係唔係好邪呢﹗更邪就係，除了生病外，從來不會午睡及補眠的我，今日竟然好想眠一眠喎﹗我估我係有病囉﹗
這問題很難説，有時候你要離開，但是又不想真的離開，不過好在你現在說的是通粉，隨時可以番轉頭。
ReplyDelete其實通粉的設計非常的科學，它中間是通空的，可以讓水流過，因此通粉可以做到讓最大的面積有高湯流過，換句話說，最大面積吸收了味道的精華。
在滾通粉的時候，水流除了是正常的從下至上再從上至下之外，還有無數的橫向水流通過粉的中央空心部分，所以這煲通粉裏面的湯肯定是比正常的撞擊猛烈，簡直是啪啪聲，正是這原因，通粉可以比其他的麵條入味。
我記得細個的時候在家樓下一間餐廳，師傅即煮通粉的，我看到師傅落了一的番茄（不是羅宋湯通粉)非常吊出鮮味，你可以試下。
仲有，我也不吃雜豆的，我覺得這些急凍野，睇幾好睇，但是好難吃。
從來無聽過咁科學化的煮通粉見解，可能我要理性D去欣賞通粉的味道和優點，太過感覺行先對通粉唔係咁公平啊呵﹗
ReplyDelete